Ná 'n meteoriet op 'n plattelandse dorp neerstort, kom soek 'n komponis inspirasie vir die klankbaan van 'n wetenskapsfiksiefliek. Hy loseer by 'n astronoom wat navorsing oor gravitasiekolke doen. Haar agtjarige seun praat nie. Die astronoom wil van haar verlede ontsnap. Die komponis het 'n toekoms wat hy nie wil trotseer nie. In die onmoontlike "nou" ontstaan 'n aarselende verhouding tussen dié twee beskadigdes; wentel hulle om mekaar met kragte wat tot vernietiging óf vernuwing kan lei.