Lulu o na le dikatse tše pedi, Tšhweu le Mmantshonyane, e ntsho le e tšhweu. Ga a rate katse e ntsho e bile ga a e tshepe. O rata katse e tšhweu gomme o e bona e le e botse. Go ya ka yena, dikatse tše tše pedi ga di a bopiwa ka tsela ya go swana. Pukung ye o hlalosetša mmagwe gore ke ka baka la eng a nagana gore katse e tšhweu e phala e ntsho. Mmagwe o mo hlalosetša gore dikatse tše di a swana, phapano feela e lego gona ke mmala wa letlalo. Morero wa puku ke go bula kelello ya ngwana gore a tsebe gore ga go na phapano magareng ga merafe ya makgowa le batho ba baso. Kamoka re batho gomme re bopilwe ka tsela ye swanago. Ga se ra swanela go swarana makgwakgwa gomme ga go motho yo a swanetšego go swarwa kaone go feta yo mongwe ka gobane re le dibopiwa tše di swanago. Selo feela seo re fapanago ka sona ke mmala wa letlalo.