'காமெடி' என்று வரும்போது ஷேக்ஸ்பியர் கொடுத்த முதல் 'ஹிட்' 'ஒரு நடுவேனில் இரவுக்கனவு' நாடகம்தான். தன்னை ஒரு மிகச்சிறந்த இன்பியல் நாடகாசிரியர் என்று அவர் நிரூபித்தது இந்த நாடகத்தின் மூலம்தான். இதை ஒரு நாடகம் என்று சொல்வதைக் காட்டிலும் ஒரு மாய கற்பனைக் கண்காட்சி என்று சொல்வதே பொருத்தமானது. விண்ணை முட்டும் கற்பனைகளாலும், கண்களைக் கவரும் காட்சிச் சிறப்புகளாலும் இது தனிச்சிறப்பு பெற்று விட்டது.