Lögreglumaðurinn Harry Lyon er með báða fætur á jörðinni. Hann vill leysa öll mál með skynsemi og rökvísi að leiðarljósi. Dag einn neyðist hann til að skjóta mann. Í sama mund stendur óhugnanlegur útigangsmaður fyrir framan hann og endurtekur í sífellu orð sem ásækja Harry svo fast að hann er við það að missa vitið: „Tikk-takk, tikk-takk. Eftir sextán klukkustundir verður þú dauður! ... Tikk-takk ... Dauður fyrir dögun ... Dauður fyrir dögun." Við tekur æsileg atburðarás þar sem Harry reynir í kapp við tímann að koma í veg fyrir að áhrínsorðin rætist.