Malin Fors hefur yfirgefið Linköping og sest að í Bangkok í Taílandi þar sem hún gegnir tímabundnu starfi á vegum sænsku lögreglunnar. Drykkja hennar hafði keyrt um þverbak vegna óreiðu í einkalífinu og máls sem henni tókst ekki að leysa.

Einsemdin þjakar hana og freistingar eru á hverju götuhorni. En eins og jafnan finnur hún sálarró í vinnunni. Sænsk kona er myrt með hrottafengnum hætti í Bangkok. Hver er hún? Hvert er samband hennar við Taílendinginn sem virðist vera næsta fórnarlamb? Tengjast morðin ef til vill atburðum í fortíðinni?