Öll leyndarmál hafa afleiðingar ...

Lainey er í vanda stödd. Sem betur fer tekst henni að hreppa draumastarfið. En til þess þurfti hún að hagræða sannleikanum dálítið (jæja, talsvert mikið). Starfið felst í því að skipuleggja og sjá um flókið líf og starf leikara á efri árum og fjölskyldu hans.

Ekkert er fjarri henni á þessum tímapunkti í lífi hennar en að verða ástafangin. Þó verður hún að viðurkenna að Seth, barnabarn leikarans, er fremur aðlaðandi. Þau laðast hvort að öðru. En hvernig myndi hann bregðast við ef hann vissi að hún hafði ekki verið heiðarleg við hann?

Lainey er þó ekki sú eina sem geymir með sér leyndarmál – eins og brátt kemur í ljós ...