Vettvangur sögunnar er geysimikil, niðurlögð herstöð í Bandaríkjunum. Þar voru meðal annars gerðar tilraunir með apa - að bæta í þá geni eða erfðavísi sem bæði gæfi þeim mannsvit og gæddi þá árásargirni sem nýta mætti í hernaði. Tilraunin tókst alltof vel og afleiðingarnar urðu ískyggilegar. Sagan er sjálfstætt framhald af Óttist eigi sem kom út á síðastliðnu ári. Óvenjuleg bók um óvenjulegt efni - og óvenjulega spennandi. Magnaður þriller eftir metsöluhöfundinn Dean Koontz.