Ung, hrífandi rithöfundaspíra að nafni Beck rambar dag einn inn í bókabúð í East Village í New York. Bóksalinn Joe verður samstundis ástfanginn af henni. Hann sér nafnið hennar á kreditkortinu sem hún borgar með og gúglar það á netinu. Það verður til þess að hann kemst inn á Facebook- og Twitter-reikningana hennar. Honum tekst ekki aðeins að fylgjast með öllum hennar athöfnum heldur fer hann smám saman að stjórna lífi hennar. Með útsmognum og kaldrifjuðum hætti fjarlægir hann allar hindranir sem gætu staðið í vegi fyrir því að hann nái ástum hennar.