Tuttugasta öldin var ekki síður merkilegt tímabil í sögu rússneskra bókmennta en sú nítjánda. Í þessari sýnisbók hefur Áslaug Agnarsdóttir valið og þýtt nítján ólíkar sögur sem gefa fjölbreytta mynd af sovéskum bókmenntum allt frá byrjun aldarinnar og fram til fyrstu áranna eftir að Sovétríkin liðu undir lok.

Elsta sagan er eftir Maksím Gorkí, og þótt sú saga sé skrifuð fyrir byltinguna 1917, er efni hennar ágætur inngangur að sovéttímanum. Í sögunum, sem birtar eru í tímaröð, er brugðið upp lifanndi myndum af margþættu lífi sovéskra borgara á miklum álagatímum.

Höfundarnir eru allir í fremstu röð rússneskra rithöfunda og lýsa með ágætum daglegu lífi sovéskra borgara, sorgum þeirra og gleði og draumum um betra líf.