Mrs. Dallowayer ein af þekktustu skáldsögum ensku skáldkonunnar Virginiu Woolf. Sagan kom fyrst út árið 1925 og markaði tímamót í nútíma skáldsagnagerð. Woolf tekur meðal annars til umfjöllunar femínisma, geðraskanir og kynhneigð, auk sviptinga í pólitísku landslagi á tíma sögunnar.

Í bókinni segir frá lífi ensku yfirstéttarkonunnar Clarissu Dalloway á árunum eftir fyrri heimsstyrjöld. Innri tími sögunnar er einn dagur í lífi Clarissu, þar sem hún undirbýr veislu sem á að halda um kvöldið. Frásögnin flakkar fram og aftur í tíma. Hugur Clarissu hvarflar meðal annars til æskuáranna og hún veltir fyrir sér hvort hún hafi valið rétt þegar hún giftist hinum staðfasta Richard Dalloway.