Fabian Risk hafði hugsað sér að verja tíma með fjölskyldunni. Dóttir hans liggur á sjúkrahúsi í dái og sjálfur er hann að jafna sig af skotsárum. En lögreglan í Helsingborg stendur ráðþrota frammi fyrir röð manndrápa. Ungur drengur finnst látinn í þvottavél. Þegar fleiri morð fylgja í kjölfarið bendir ýmislegt til þess að við slóttugan raðmorðingja sé að etja. Þá er Fabian kallaður til. Örvæntingarfull leit lögreglunnar að morðingjanum reynir á þandar taugar Fabians og félaga í rannsóknarteyminu. En er hugsanlegt að einn í þeirra hópi sé raðmorðingi?

Bækur sænska verðlaunahöfundarins Stefan Ahnhem um Fabian Risk þykja með allra bestu glæpasögum síðari ára. Þær hafa selst í milljónum eintaka og verið þýddar á yfir þrjátíu tungumál. Mótíf X er fjórða bókin í flokknum um Fabian Risk.