Aðkomumaður kemur í lítinn bæ í New-England í Bandaríkjunum. Fljótlega vekur athygli hans náungi að nafni Ethan Frome. Hann er alvarlega fatlaður eftir slys og býr á afskekktu býli ásamt konu sinni sem er sjúklingur. Maðurinn fer að forvitnast um sögu Ethans — og þá kemur í ljós harmrænt og forboðið ástarsamband.

Með stílsnilld sinni og myndrænum líkingum bregður Edith Wharton einstöku ljósi á örlagaþrungið mannlíf í fátæku og hnignandi samfélagi.

Ethan Frome kom fyrst út árið 1911 og er jafnan talin eitt af meistaraverkum bandarískra bókmennta.