Þegar Julie Armstrong kemur heim til sín seint um kvöld eftir að hafa farið út að skemmta sér finnur hún sér til skelfingar son sinn í baðkarinu þakinn blómum. Hann hafði verið kyrktur. Nokkru síðar finnst lík af ungri kennslukonu í náttúrulaug og hafði blómum sömuleiðis verið sáldrað yfir líkama hennar. Lögregluforinginn Vera Stanhop í Northumberland á Englandi rannsakar málið. Morðin verða til þess að heimamenn taka að ljóstra upp sínum myrkustu leyndarmálum. Morðinginn fylgist með og bíður færis að undirbúa nýja vota blómagröf ...

Bækurnar um Veru Stanhope njóta mikilla vinsælda víða um heim, ekki síst eftir gerð velheppnaðra sjónvarpsþátta sem m.a. hafa verið sýndir hér á landi.