Si Soledad Sylvia Merillo ay isang mahusay na doktor na piniling tumira sa probinsya sa kabila ng mga nakamit niya sa edad na bente-otso. Tahimik na ang buhay niya at wala na siyang mahihiling pa... maliban na lamang sa pagmamahal na matagal niya nang ninanasa.

Isang araw, pagkalipas ng maraming taon nang lumipas, nakita niyang muli ang taong minahal. Ang taong akala niya'y makakasama niya habambuhay at ang iibigin siyang tunay. Ang taong nakasama niyang pangarapin ang maraming bagay ngunit nakapiling lamang sa maikling panahon. Ang taong akala niyang para sa kanya pero itinadhana pala ito para sa ibang tao.

Paano kung nakita niya siya kung kailan ang mga pinangarap nilang dalawa noon, nagawa niya na ngunit mag-isa?