बालकांच्या भावविश्वाची त्यांच्या शिक्षकाखेरीज अन्य कुणाला उत्तम जाण असू शकत नाही. जग झपाट्याने बदलत असताना बालकांच्याही जगात बऱ्याच नवीन घडामोडी घडत आहेत. बालमनाशी समरूप होऊन त्यांच्यासाठी लिहिणे, त्यांच्या आनंदासाठी लिहिणे आणि त्यांचा आनंद वाढवण्यासाठी लिहिणे ही खूप कठीण आणि काव्यप्रतिभेला आव्हान देणारी बाब आहे. हे आव्हान पेलण्यासाठी आजच्या काळात अनेक शिक्षकांनी आपली लेखणी उचललेली दिसते आहे. त्यातील एक नाव मालती भास्कर सेमले म्हणता येईल.

- डॉ. अनुपमा निरंजन उजगरे

श्रीमती मालती सेमलेंसारख्या शिक्षिका जि.प. शाळेवर कार्यरत असणे ही आमच्या सर्वांसाठीच आनंदाची व अभिमानाचीसुद्धा बाब आहे. परिणामकारक अध्यापनासोबतच त्यांचा साहित्याचा दरवळसुद्धा दूरवर पसरतो व त्याची कीर्ती सदोदित वृद्धिंगत होत राहो, या मनोकामनेसह त्यांना शुभेच्छा!

- दिपेंद्र लोखंडे (शिक्षणाधिकारी (प्राथमिक) जिल्हा परिषद, चंद्रपूर.)