Kapag pumasok sa puso natin ang Banal na Espiritu, tutulungan Niya tayong maunawaan ang kalaliman ng Diyos, at tutulungan tayo na mabuhay ayon sa Salita Niya. Halimbawa, nahihirapan tayong patawarin ang isang tao, ipapaalala Niya sa atin ang pagpapatawad at pag-ibig ng Panginoon para matulungan tayong magpatawad. Kaya mas mabilis nating maiiwaksi ang kasamaan sa puso natin at mapapalitan natin ito ng kabutihan at pagmamahal. Kung magkakaroon tayo ng bunga ng Banal na Espiritu ayon sa paggabay Niya, hindi lang kalayaan ayon sa katotohanan ang tatamasahin natin, tatanggapin pa natin ang umaapaw na biyaya at pag-ibig ng Diyos.