डॉ. सुरेंद्र पिसाळ यांचा 'शब्द माझा सांगाती' हा प्रसिद्ध होणारा पहिलाच कवितासंग्रह होय. सुरेंद्रला साहित्याची आवड पहिल्यापासून. मराठी साहित्य संमेलन असो किंवा पुस्तक जत्रा, त्याची हजेरी ठरलेली असते. आपला पॅथॉलॉजीचा व्यवसाय संभाळून, वेळात वेळ काढून त्याने साहित्यातील रुची आणि व्यासंगही जोपासला.

मुळात कविता करता येत नाहीत, त्या सुचाव्या लागतात. त्यासाठी संवेदनशील मनाची गरज असते. याची जाणीव प्रस्तुत कवितासंग्रहाच्या वाचनादरम्यान सतत होत राहते.

सुरेंद्रच्या कविता ह्या मनाला स्पर्श करून जातात. मी का, आयुष्य हे असे असते, मी जाऊ कशास मंदिरी, ना मज यासह या संग्रहातील अशा अनेक कविता ह्याची साक्ष आहेत. कवी सुरेंद्र पिसाळ ह्यांचा हा कवितासंग्रह वाचकांना निश्चित आवडेल, अशी मी अपेक्षा करतो.

- डॉ. श्रीरंग फणसळकर एम.डी (मेडिसीन)