पालिकचंद बिसने गुरुजींचा 'बन तूच आता देव!' काव्यसंग्रह समाजातील अनेक समस्या, दुःख, वेदना, निसर्गाचा कोप, पर्यावरण आपत्ती, विपत्ती, व्यसनाधिनता, संस्कृती, राष्ट्रीयता अशा अनेक विषयांना हात घालत त्यांनी दिशा दाखविण्याचा प्रयत्न केलेला आहे. निसर्ग, सण, समारंभ आणि पर्यावरणाचा ऱ्हास, असे अनेक विषय मांडून त्यांनी समाजाला मार्गदर्शन प्रयत्न केला आहे. 'बन तूच आता देव' ह्या काव्यसंग्रहातील कविता लयबध्द, बोधयुक्त आणि पूर्णपणे मार्मिक आहेत. मानव जातीच्या कल्याणाच्या शुध्द हेतूनं प्रेरित आहेत. या संग्रहाचं त्यांनी अवतीभवती, वसंतअनुभव, होळीउत्सव आणि फटका असे चार विभाग पाडले आहेत. एकून ७० कवितांचा यात समावेश असून सर्व कविता उत्कृष्ट आहेत. हा संग्रह वाचकांना निश्चितच आवडेल. असा सुंदर काव्यसंग्रह संग्रही ठेवावा आणि आपल्या जिवनाचं कल्याण करुन घ्यावं, ही वाचकांना विनंती.