काव्यगंध या काव्यसंग्रहातील रचना या अत्यंत सहज सोप्या शब्दांत प्रस्तुत कवीने रचनेवर उत्तम संस्कार करून सर्व रसिक श्रोत्यांच्या समोर मांडल्या आहेत. जीवनातील वास्तवानुभूतीची शब्दरूपी शिदोरी सभोवतालच्या साऱ्याच संवेदनांचे मनप्रकटीकरण कवीवर्य शांतीलाल ननवरे यांच्या रचनेतून प्रत्ययास येते हे या काव्यसंग्रहाचे बलस्थान आहे.

ग्रंथ किंवा कादंबरी लिहून जे व्यक्त केले जाते, ते केवळ चार-पाच कडव्यांमध्ये व्यक्त करणे खूप अवघड असते. ती व्यक्तता म्हणजे कविता असते. त्यासाठी रचनाकाराला अचूक शब्दांची जाण असणं महत्त्वाचे असते. तरच ती कविता सर्वार्थाने समृद्ध असते. श्रोत्यांनी हा काव्यगंध काव्यसंग्रह जरूर वाचून आनंद घ्यावा.

- वि. ग. सातपुते अध्यक्ष, महाकवी कालिदास प्रतिष्ठान, पुणे (महाराष्ट्र). (प्रस्तावनेतून)