ئەم کتێبە کە لەبەردەستدایە ، بەرگی یەکەممە لە نوسینەکانم لە ماوەی ١٥ ساڵدا، کۆی گشتی بەرگەکان خۆیان لە ١٢ بەرگ زیاتر دەدات ، کە تێکڕایان ، راپۆرتە هەواڵ و هەواڵ و شرۆڤە و دۆکۆمێنت و بابەت و راو سەرنجی میدیاکانی جیهان و هەرێمییە، سەبارەت بە هەرچوار پارچەی کوردستان و رۆژهەڵاتی ناڤین وجیهان.

ئەم کتێبە یاداشت نوسینەوەی کەسیم نییە ، بەڵکو نوسینەکانمە لە ساتو شوێنی خۆیدا نوسراوە و، لە کتێبێکدا ، دەیخەمە بەردیدی خوێنەران. بە کورتی پەیوەندی بە ژیانی کەسیمەوە نییە.

فۆکەسی ناوەڕۆکی ئەم بەرگانە لەسەر کوردستان وکێشە وئالانگارییەکانی بەردەم دۆزی کوردە، بە چاوێکی کوردانە وبێلایەن وئازادانە نوسیومە.

بۆ ئەم بەرگە تەکەسم لەسەر رووداوەکانی باشور ورۆژئاڤا و باکور وهەرەوەها رۆژهەڵات کردۆتەوە ، بەشی هەرە زۆری بە دۆکۆمێنت و ئارگۆمێنت وەک راپۆرتەهەواڵ و بەشێکیش دیدی خۆمە سەبارەت بەو رووداوانە کە روویانداوە یا روودەدەن تۆمارم کردووە .

بۆ هەر کەسێک کەبیەوێت بەدواداچوون بکات سەبارەت بە رۆژ بە رۆژ یا کاتژمێر بە کاتژمێر لە ٥ ساڵ ونیوی مێژوی نزیکی کوردستان وناوچەکە، کە لە ٢٠٠٦ ەوە دەستپێدەکات تا دەگاتە مانگی ٥ ی ٢٠١٥ ، لەم ماوەیەدا دەتوانێت نەخشەی سیاسی و ئابوری وجڤاکی و شەڕو پێکدادانەکان، لەو بەرگەدا بدۆزێتەوە.