நிமிர்ந்த ஓட்டல் வரவேற்பு இளைஞன் - அந்த ரெண்டு பேர்களையும் பார்த்து புன்னகைத்தான்.
"இது ஒரு 'திரிஸ்டார்' ஓட்டல். நீங்க கேட்டது இனிமே கேக்கப்போறது எல்லாமே கிடைக்கும். நீங்க அறையில் இருங்க. ஏற்பாடு பண்ணுறேன்"
பதிவேட்டில் பெயர்களை பதிவு செய்தபின் - இண்டர்காமில் ரூம் பாயை வரச்சொல்லி - அவன் வந்ததும் சாவியை எடுத்து நீட்டினான்.
"169-ல் தங்க வை."
"வாங்க சார்"
ரூம் பாய் பெட்டிகளை எடுத்துக் கொண்டு நடக்க - இருவரும் பின்தொடர்ந்தார்கள். லிப்டில் முதல் மாடியைத் தொட்டு அறை எண் 169ல் பிரவேசித்தார்கள்.
"ரூம் பாய்' அறையை சுத்தம் செய்து கொடுத்துவிட்டு பவ்வியமாய் எட்டி நின்று கேட்டான்.
"காபி கொண்டு வரட்டுமா சார்?"
"என்னது, காபியா? முட்டாள்!...