நாதமுனி அய்யரின் மகன் தியாகராஜன் மனைவியோடும் இரண்டு சிறு பெண் குழந்தைகளோடும் பழைய மாம்பலத்தில் சின்ன வாடகை வீடு ஒன்றில் வாழ்ந்து கொண்டிருந்தார். தியாகராஜன் பாரிமுனை அரண்மனைக்காரத் தெருவில் இருந்த வங்கி ஒன்றில் வேலை பார்த்து வந்தார். வங்கிகள் தேசிய மயமாக்கப்பட்டிராத காலம் அது. வங்கி வேலையும், அந்த வேலையில் கிடைக்கும் சம்பளமும் பெரியதாகப் பேசப்படாத நேரம் அது. அதனால் நாதமுனி அய்யரின் மகன் தியாகராஜன் அப்போது நல்ல வசதியான பொருளாதாரத் தளத்தில் இருந்தார் என்று சொல்ல முடியாது. அவரின் மனைவியும் வேலை எதற்கும் செல்லாத ஒரு சாதாரண இல்லத்தரசி. அந்தக் காரணங்களால் அப்போது தியாகராஜன் மிக எளிமையான வாழ்வை...